صباحكم ومسائكم لذذاذة =$ ♡

وصفة اليوم برجر اللحم المحشي بالجبن .. 

الوصفة مو من أختراعي لكن من حاولت أضيف أغير بأشياء وأضيف أشياء =) 

يعني إلي بتسويها لا تلتزم بالمقادير بالضبط .. 

لك الحرية ,, وأبدعي على راحتك ^^

لك الحرية بحذف وإضافة مقدار  .. 

() 

المقادير المستخدمة في البرجر .. 

- لحم مفروم " غنم أو بقر " 

- بقسماط مطحون

- بهارات لحم , فلفل أسود , ملح , بودرة ثوم , ملعقة صغيره سكر

- بيضة

- بصل مفروم فرم ناعم

- فلفل حار " للناس إلي تبيه سبايسي "

- جبن كاسات , او مثلثات , او شيدر 

المقادير المستخدمة خارج البرجر =) ..

- أي نوع خبز برجر أو صامولي , الي يعجبكم 

- فطر

- خس + فلفل رومي أي لون

- صوصات ( مايونيز - خردل - رانش - كاتشب ) 

نبدأ بسم الله / 

نخلط اللحم المفروم + بقسماط المطحون + بيضة + والبصل والبهارات والفلفل والملح  وبودرة الثوم وملعقة صغيرة سكر باليد عن طريق العجن 

أو بمفرمة اللحم =) ..

وممكن إضافة بقدونس مفروم يعطلي طعم جميل بالبرجر .. 

بيطلع لنا لحم متجانس .. 

نشكل اللحم على شكل البرجر .. ونحشية جبن كاسات أو شيدر , أو جبن مثلثات 

من تجربتي الجبن الكاسات ألذذ من جبن المثلثات ..

بس صادف التصوير على الجبنة المثلثة P= * < طلعتي محظوظة يا مثلثة XD 

بس ترى لذذيذة جبن المثلثات بس الألذذ الألذ الجبن الكاسات ♡ .. 

+ نحط قطع الفلفل حار للناس إلي تبي سبايسي  

ونحط قطعة لحم أقل سماكة فوقها , ونسكرها 

معلومة خلوها ببالكم / عشان يطلع البرجر لذذيذ .. ومن داخل مو جاف .. 

جربوا تشوحونه على النار بالتاوة أو الشواية من فوق وتحت قبل إدخاله للفرن 

سواء برجر لحم , دجاج , أو حتى شرائح سلمون =) 

لآن إذا شوحتوها من فوق وتحت بتحتفظ بالماء إلي داخلها وبالفرن راح تستوي على راحتها 

مراح يطلع الماء لآن الحوائف مشقرة مراح تطلع الماء وإذا بتطلع تطلع بنسبه أقل 

عكس لما تدخلونها على طول الفرن يجف الماء إلي داخل وإلي برا توه ما إستوى 

< يارب فهمتوا شرحي .. D=

وندخله الفرن  

-

بالوقت اللحم داخل الفرن .. 

نجهز فطر مقطع نحطة بالتاوة مع شوية فلفل أسود وذرة ملح ونشوحه على النار .. 

 نحط المكونات الباقية / فطر محموس + فلفل رومي + خس + واللحم 

التزين كاتشب + رانش , مسحة خردل و مايوينيز وجبن كاسات 

وحطيت شبس مرا خفيف ولذيذ ومقرمش نسبة الزيت مرا قليلة للناس الدايت *أصورة لكم وبنزلة ضمن مفضلاتي* =) .. 

إي وبس / البرجر إلي سويته يعتبر صحي =) ! مافيه لا شحوم ولا دهون زي المطاعم

والمقادير سهله وخفيفة , والمهم أنتي تسوينه ومتأكدة من نظافة كل شيء و تعرفين شنو داخل البرجر ونوع اللحم 

 وبالعافيية عليكم  ♡ .. 

-