السلام عليكم وُ رحمه الله وبركاته 

اليوم بتكلم كلام .. ممكن أحد يستفيد منه ولو شيء بسيط 

بتكلم عن نفسيتكِ يا أنتي  * شلون تكونين سعيده بأشياء بسسيطة .. 

للعلم تراه موضوع سبق وكتبته بإقلاع وقديم صار له اتوقع ٣ سنين من ٢٠١٣ =) 
, بس لأنه بوقته كان من أحب المواضيع لقلبي ♡
ووصلت الردود لـ ١٤ صفحه بالمنتدى ^.^  فحبيت أعيد رفعه بالمدونه كما هو .. =) 
http://www.vb.eqla3.com/showthread.php?t=1304631

ونبدأ بالموضوع .. 

على إي أساس أنا ببتكلم على هالموضوع !

من خلال قراءتي لبعض المقولات البسيطة وتجاربي وأختلاطاتي مع 

فئه من الناس .. وقررت أكتب على قد خبرتي ~

-

أحب أبدا صباحي أني أشغل اليوتيوب على أذكار الصباح 

بصوت مشاري العفاسي أو ماهر العقيلي .. 

وأقوم أجهز للجامعه .. وأنا أردد الأذكار أحس بتفاؤل  * وهذا شيء يجيب السعادة 

أحب أبدا صباحي بكوُب كوفي  + قطعتين توست وشريحة جبن ..

< فطور خفيف يومي لآزم أبدا صباحي فيه  .. 

و نوع الكوفي كل أسبوع .. أو أسبوعين أغير

مثلا أقعد أسبوع أشرب نستله 3 في 1 .. وأغير الأسبوع الثاني علي كافيه .. 

وساعات مرا بالأسبوع أكشخ وأشرب إلي يصير فيه رغوه من إي ماركه كشوخية محترمة 

وهذا التغير يجيب لي السعادة :) 

وأنا بالجامعه أحاول أني دائماً أكون مبتسمه 

والإبتسامه في وجه أخيك صدقه ! .. وهذا شيء إيجابي لكِ وّ لغيركِ .. 

ونمر أحنا البنات فتره من الشهر مالنا خلق أحد ! حتى نفسنا 

بس حاولي وقت الدوام ما تطالعين أحد بوجه يجيب الهم عساس أني مالي خلق 

ونفسيتي واصلة فوق وتخزين فلانه وعلانه !  

لأن أنتي بالمقابل ما تبين أحد يطالعكِ بوجه معكر ماله خلق ويجيب الهم على الصباح  ! 

فكوُني هادئه إيجابيه بالأوقات الصعبه .. وأستغفري ربك دآيم ‘ 

لآن بالإستغفار فيه راحه للبال 

أمسك ورقه وقلم وأقعد أعبر عن نفسي ~ أنا الشاطره العاقلة وهالدكتوره مراح تحدد مصيري

أنا قويه وراح أنجح ! وأقعد أشخبط ! أحس براحه ! 

أحس أفرغ العصبيه إلي فيني خلال المحاضره إلي حضرتها بالورقه !

مو تشخبطون خرابيط وأنتو عقلكم مو معكم  ! وتقولون أنا قاصه عليكم :) !

مثال تجي وحده جميلة دبه متينة تقول أنا هالسنه بضعف  ! وتسوي زحمه 

وما بقى شيء ما تشتريه آلالات و تحمل مقاطع رياضة من اليوتيوب وحالتها حاله  .. 

وتجي الدوامات ثم العطله النصفيه ثم دوامات وثم الإختبارات 

بعيدن عطلة كبيرا بعدين رمضان بعدين عيد بعدين دوامات ! 

وهي على حالها الدددبه  ما غير تكنس الغبار إلي تحت الآلات إلي شرتهم !

هذا دليل أنها ما خططت ولا حطت لها جدول تلتزم فيه *.* 

ما غير تخطط بالعقل ! وهذا شيء غلط ريحي عقلك شوي يا ماما 

وأشتري نوت وأكتبي كل شيء وخلي هالنوت هو كل شيء ! 

من تسجيل مواعيدك و وأغراضك وكل يوم قبل لا تنامين أكتبي إلي ناويه تسوينهم غداً .. 

ووكل شيء تنجزينه حطي عليه صح .. عشان تشجعين نفسك وكل نهايه أسبوعين 

أو شهر .. كافئي نفسك بشيء كنتي تبغينه  .. طبعاً ما تكافئين نفسك إلا إذا كنتي ماشية 

على كل شيء كاتبته أنتي .. وسويتيه  

~

اللحين فيه نوتات مرا كيوت 

وفيها كلندر و وإستكرات و و ألوان تفتح النفس .. 

وفيه بالمكتبات يبيعونهم + فيه تاجرات كمان يبيعونهم 

مرا مفيده لتقسم وقتك ولإنجاز مهامكِ 

صرت أعتبرها جزء من حياتي .. 

ومستحيل أروح مكان ما أخذها معي هالنوت 

إلي عندي عباره عن / 

- مغلف فيه كل الأشهر =) 

- كل شهر أخذ النوت حقه =)

- وأسجل قبل لا أنام الأشياء إلي ناوية أسوها غداً إن شاء الله !

وهذي صوره من أنستقرامي للمغلف والنوتات .. 

وأحط لنفسي حكم إجابيه وأكتب عبارات تشجيعيه 

مثلا * ( بكرا ترى بتكملين على الجدول وتسوين رياضة الهب هوُب ! مفهوم يا جميلة ! )

< تهديد مو تشجيع  =))

المهم أكتب وكأني أكلم نفسي 

وهذا شيء يعطي إلهام وأحس بشجاعه وأقوم أسوي رياضه ..

واللحين في أشياء كثيراً تخلينا نسوي رياضه ونتشجع 

عندكِ تويتر .. إنستقرام بعد 

تويتر / في صفحات تعطي تغريدات تفاؤليه  تحفزكِ عشان تقومين تسوين رياضه =)

الإنستقرام / ناس حققت حلمها فيه  شلون ؟ كثير أجانب صارو يحطون 

صورهم قبل وبعد  فبعضهم تحسن فرق شكل وحجم ورجع الشكل صغير  ! 

ولو شفتي صفحتهم الصور السابقة 

كلها أكلات خفيفه وفواكه وخضار , ويصورون نفسهم وهم يسون رياضه ! 

عشان يعطيهم حافز على الإستمرار 

< ما أقول لكم صورو نفسكم ونزلو الصوره  .. لا =)) ! 

* ممكن تسوين فولو لنوعيه الصفحات إلي كيذا ..

لآن تعطيكِ شجاعه وتحفزك على الرياضه .. 

* وممكن تسوين لكِ أنتي صفحه وتحطين الأكلات الخفيفه إلي تسوينها ..

وتنزلين شوزك الرياضي إنك اللحين رايحه تسوين رياضه وكيذا 

* واللحين بعد فيه صفحات عربيه كككثيره عن الرياضه ومعلومات .. 

إقلاع / 
وحيث المواضيع الكككثيره الشاملة المفيده .. 
كل معلومه تشوفينها وتحسينها فادتك سجليها بالنوت .. 
وفيه موضوع عن الرياضات .. أختاري لك نوع وأبدي فيه 
وسجلي تجربك وفرق وزنك كل أسبوع 

وإن شاء الله توصلين لحلمك  ..

في نقطه أخيرا حابه أكتبها هي * 

الكلام الوصخ إلي منتشر 

ككثير وكثير وككككثير يقولون كلام وصخ ! 

منها ( ز .. , اللعن , الكلام الوصخ إلي عيب ينقال )

ليه يختي ! تقولك تعودت ! وإذا سالتيها وقلتي لها هذا شيء زين  ؟! 

تقولك عادي الكل يقولها مو بس أنا 

طيب ليه ما تصيرين غير عن إلي يقولونهم وما تقولينهم ! 

عيب والله عيب ! لدرجه وحده تقول أمي عادي تقولها لنا ! أنا بعدها وجهي كيذا  :|

الحمدلله يارب والششكر الله لا يبلانا  .. 

ما أقول أن بيتنا أبد ما نتهاوش  لا والله تصير ساعات الحرب العالمية الثانيه بين الصغار  ‘ 

وإذا سب وآحد الثاني قاله له ( يا حيوان , يا دب , يا بقره , يا غبي ) 

<  ما تزود السب ببيتنا عن كيذا ومو دايم تنقال بعد . .

وإذا أحد قال كلام وصخ أو لعن  ما نكلمه أسبوع .. وهو أصلن ما يعودها .. 

فإذا كنتي إلي تقرين موضوعي  

يا ( أم ) وعندها أطفال ‘ بيتك حاولي قد ما تقدرين

تغيرين الكلمات الوصخه واللعن بشيء أخف

منه .. لآن طبيعه الأنسان يشتم بوقت العصبيه ! 

فلا تخلين أطفالك يقولون كلام وصخ ! 

وكثير أمهات قاعدين بالمجلس ويجي ولدها ويتطاقق من خلق الله 

ويسبهم ويا ( ز .. ) ويا ( م .. ) 

عيب والله عيب ؟؟

ومسكيننه الأم تحاول ترقع وتضحك !  

فعشان ما تطيحين بالمواقف البشعة ! 

.. وإذا أول مرا طفلك قالها ! لا تضحكين له ! وفهميه أن عيب ! وما يجوز هالكلام ! 

لآن لو ضحكتي له بياخذ الأمر عادي وبتلصق بلسانه 

لمن يكبر !

وهذا واقعنا إلي نشوفه اللحين الصغار كبروا يقولونه كأنه سلام عليكم  

فلو أنتي تقولينه ! غيري من نفسك ! 

.. حاولي قد ما تقدرين تبعدين عن هالكلام 

أنتي واعية وكبيرا  .. فلا تخلين كلام وسخ يطيح من نفسك !

ترى والله مو شيء واااو أنك تقولين هالكلام وصديقاتك يضحكون ! 

< أنا عن نفسي لو شفت وحده تسب وتلعن

وكلام وصخ  والله تطيح من عيني ! 

حتى لو هي من تكون 

( ( الإسلام ما حثنا على السب والشتم ..

حثنا على الصبر حتى لو كنتي معصبه أستغفري ربك وأنسحبي

من الهوشه والنقاش ! ) )

كلامي كثير ! ..

بس حبيت أني أطلع شيء من قلبي وواقع إلي نعيشه الآن وكم نصيحه أحاول

أوصلها لقلوبكم ولو بشيء بسيط .. ولو تستفاد منه وحده 

هذا شيء كككبير بالنسبه لي ..  

الحمد لله الذي أعزنا بالإسلام ، وأكرمنا بالإيمان ' 

وُ أخيراً مبروك جميلاتي الناجحين 

ونقول لكم / الناجح يرفع ايده  ههي ههي وينققققققح على طول D=

وإجازه مليئه بَ الإنجازات بَ إذن الله 

لأهميه / الموضوع موجود بمكانين .. 

هنا بَ  مدوُنتي + إقلاع